Ифрат Хисамов. Ifrat Hisamov.

КАЗ КАНАТЫ

халык кое

---

Каз канатларын эзләргә
Төштем су буйларына.
Су буйларында йөргәндә
Син генә уйларымда.

Каз канатларын санадым
Тезелеп кагынганда.
Тулган айларга карадым.
Өзелеп сагынганда.

Каз канатларын кагынганда
Мамыкларын җил ала.
Яшь вакыттагы мәхәббәт
Мәңгелек булып кала.

Каз канаты кат-кат була.
Ир канаты ат була:
Чит җирләрдә бик күп йерсәң
Сөйгән ярың ят була.

Каз канаты каурый-каурый.
Хатлар язарга ярый.
Уйнамагач та көлмәгәч
Бу дөнья нигә ярый.

Каз канаты ап-ак була.
Ир канаты ат була:
Чит илләрдә йө;ргән чакта
Бик сагынган чак була.

---