Ифрат Хисамов. Ifrat Hisamov.

КҮБӘЛӘГЕМ

халык көе

---

Күбәләк гөлләргә кунса,
Гөлләр тибрәнә микән?
Күбәләк гәлләргә кунса,
Гөлләр тибрәнә микән?

Ул да мине сагынганда,
Күбәләгем, түгәрәгем.
Асыл кошым, сандугачым.
Җырлап җибәрә микән?

Күбәләккәй гөлгә кунган,
Гөлдә булгач оясы;
Күбәләккәй гөлгә кунган,
Гөлдә булгач оясы;

Минем күңелем сиңа тарта,
Күбәләгем, түгәрәгем.
Асыл кошым, сандугачым.
Син бит күңелем кояшы.

Тау астында, тал астында
Салкын чишмә түгәрәк;
Тау астында, тал астында
Салкын чишмә түгәрәк;

Очып барып кайтыр идем,
Күбәләгем, түгәрәгем,
Асыл кошым, сандугачым,
Әгәр булсам күбәләк.

---